1. Tag in Sochi #Eishockeygame #HouseofSwitzerland #Beni Thurnheer #eifachcool

Üses Daheime in Sochi - City!!

Nachemne tüüfe und gsunde Schlaf ;-) heimer üs gäge Mittag mau zFuess dürd Stadt Sochi kämpft. Das isch villech es Theater gsy bis mir überhoupt dür dSicherheitskontrolle si cho und mau imne überfüllte, heisse und stinkende Ruum hei chönne 2 Std uf üsi Ticket warte. Auso in Russland isches scho phänomenal. Eigentlech hättesi es System wie bir Schwizer Post mit Zetteli (eifach ohni Handy, Büromateriau und was süsch no zfinge isch) mir heis aber de uf Russischi Art gmacht und si eifach zwüsche dene Nümmerli inedrückt. Krass, dass niemer öpis derzue gseit het und die mit ihrne Nümmerli die Looser si gsy!! Das nur e chlini Abekdote!



Üsi erschte Tickets, YEAH gschafft!

Sonntäglicher Spaziergang durch die Strassen von Sochi....

Wasme dört nid aus z'gseh becho het!!

Ca. 4 Std spöter simer de ändlech im Olympische Park acho. Zäme mitr Tina heimer s'House of Switzerland gstürmt...



Wonderful das Olympische Füür

Das berüehmte House of Switzerland

Merci beaucoup M. Blunier pour ce chapeau! Ah jo Tina, weisch no was dr Catch of the day isch gsy? :-p

Dr Pöili aus Sanna Fan!

Dä isch immer zur Steu gsy, wennmer ihn hei brucht. MERCI für Aues!



In St. Moritz simer ou no gschnäu gsy! ;-)

 

Näbst emne VIP-Pass für id Lounge, Tickets für go Curling luege, heimer drü Gläser Wii gschänkt becho, e Original Schwizer Olympia-Russechappe und uf aues ufe heimer no die zwöi atroffe:

Dr Beni und d'Lucia

Mir mitm Patrick

 

Danke Beni und Lucia no einisch fürd Tickets, em Patrick füre Wii und em Herr Blunier (Lieferant vom Wii) fürd Chappe! Nid zvergässe em Pöili für dä All Access im House of Switzerland! ;-)

Nachemne interessante Eishockeymatch simer de nomau chli is Schwizerhuus go shaken und hei per Zuefau no paar Stars troffe! 

Bolshoy Ice Dome



Eis vode Maskottchen am Shaken! ;-)



FIN vs. CAD

 

Martin St. Louis mit Oliver Müüüüller!

 

Am haubi 4i am Morge simer de ändlech is Bico Bett go pfuse!! 

Sochi - THE place to be!! (i üsem Huus) ;-)

Dr Fanclub vor Sanna ufdr Reis nach Sochi

Liebi Fründe daheime ir schöne und subere Schwiz! ;-)

Wo mir ca. em vieri am Morge nachere wilde Taxifahrt bi üsere Unterkunft acho si, hei mir üs scho seeehr fescht uf üses Daheime für die nächsti Wuche gfröit! Dr Vermieter isch bereits mitere Zigi im Muu am Warte gsy won är üs mitemne nid autägleche Gruess in Russland begrüesst het (wär meh wott wüsse muess üs de direkt frage). 

Im Fiumli wo hie fougt hei mir euch versuecht z'zeige, wien är üs sis Huus vorgsteut het (v.a. im erschte Teil won ärs Klappbett het demonstriert). Bereits jitze viu Spass und dänket dra, Ton unbedingt ischaute. 

 

 

Nach zwene Nächt hei mir üs denn entschlosse, das Gspänsterschloss z'verlah!! Dank em Patrick heimer e Unterkunft im Olympische Park säuber im Family-Hotel gfunge!! MERCI no einisch viu viu mau für Dini Hiuf. Es liebs Grüessli nach Lissabon. ;-)

Nachtessen in Kiew...

Churz nachde 4i am 15.02.14 nachere sanfte Landig in Kiew heimer üs ufe Weg zumne Restaurant gmacht. Dank üsem super Guide em Hans (wo zum Glück nid wie mir z'erste Mau hie ir Ukraine isch) simer mitemne Taxi wo dr Chauffeur keis Wort vo üs verstange het, i fougendes Restaurant gfahre:  Kozatskyi Stan, Boryspil Highway 18, Kyiv.

Mir hei jo auso gar nid gwüsst, was üs erwartet aber das Znacht isch eifach delicious gsy... 

s'Lokal isch no vou Valentinstagshärzli gsy...

Hhhhm zum Glück isch sMenü ou no Englisch gschribe gsy... ;-)

On the way to Sochi..

Hüt am 10i ischs de nach langer Planig und vile Momente vor Verzwiflig ändlech losgange... Danke Urs, Mum & Grossvati für eui Begleitig a Flughafe... Fasch pünktlech het üsi Maschine vor Ukraine Airlines Richtig Kiew abghobe!! Woooow wie lang si mir scho nüm imne Flüger ghocket wod Stewardesse no müesse dSafety on Board vorfüehre... Mit öpe zwüschdrinne mau luege womer äch fang ungerwägs si isch de ou nix gsy wüus nämlech gar kei Fernseh het gha!! Hihihiiii...

Üsi Schwiizer Alpe - haut immer wunderschön!!

Momouuu mir verstöh aues...

Es het nid nur e chli Näbu gha... ;-) es paar Sekunde vordr Landig heimer ersch a Bode gseh!!